आम जनताको चाहना र राजनीतिक दायित्व राजनीतिको मूल सार भनेकै जनताको चाहना र आकांक्षालाई सम्बोधन गर्नु हो। इतिहासको पाना पल्टाउँदा देखिन्छ—आम जनताले चाहे अनुसारको परिवर्तननै अन्तिम सत्य बनेको छ। जनताको आकांक्षा विपरीत गएर कुनै पनि सत्ता वा दल लामो समय टिक्न सक्दैन। नेपालजस्तो बहुदलीय व्यवस्थामा दलको विकल्प छैन, तर विकल्प नभएको भन्दै दलहरू जनताप्रति बेवास्ता गर्न सक्दैनन्। दलभित्र देखिने भ्रष्टाचार, गुटबन्दी, स्वार्थी सोच र अव्यवस्थाले जनतामा आक्रोश पैदा गरेको छ। यस्तो अवस्थामा दलभित्रका जुजारु युवा नेताहरूले सुधारकको भूमिका खेल्नुपर्छ। उनीहरूले आफ्नै पार्टी पंक्तिभित्रको फोहोरमैला सफा गर्दै, आचरण र संस्कृतिमा सुधार ल्याउँदै, जनस्तरमा उठेका आवाजलाई सम्बोधन गर्नुपर्छ। राजनीतिक कार्यकर्ता पनि सधैं दासजस्तो केवल आदेश पालन गर्ने भूमिकामा सीमित हुनु हुँदैन। उनीहरू सचेत नागरिक र लोकतान्त्रिक संस्कृतिका संवाहक हुनुपर्छ—जहाँ प्रश्न गर्ने, सुझाव दिने र आवश्यक परे दबाब सिर्जना गर्ने परिपाटी बलियो बन्छ। आखिर, लोकतन्त्रको जीवन शक्ति भनेकै नागरिकको सक्रिय सहभागिता र नेताहरूको जवाफदेही ह...